Saturday 7 May 2016

Google hmangchang!

Kan sawi kim vek seng dawn lova, a hriat pawh ka hre bik vek hek lo, mahse nitin SmartPhone hmang thar leh Internet hmelhriat thar kan awm ve zel si a, bangbo zawkte tana țangkaina mual mual a neih takin..

THIL ZAWN DAN
Kan mobile leh computer buai changin midang kan rawn kual duk duk fo țhin a. English awmzia hrethiam chin tan chuan hetianga kan buaina tam zawk hi Google kaltlanga solve theih deuh vek a ni. Hetiang hian lo tive mah teh:
1. I computer/mobile a error notice awm ang chi chu a error notice kha chhinchhiah ang che.
2. Google ah kalin search box ah khan a error notice kha chhu lut tawp la, a tawpah device hming, OS leh solved tih dah belh zeuhin search tawp rawh. (Eg: unfortunately playstore has stop Samsung J2 Kitkat solved)
3. I buaina kha error notice awm lo chi a nih a, a solution zawn dawnin a zawn tir dan tur sentence i siam thiam lo a nih pawhin i hriat lai lai kha a sentence puitling kher lo pawhin type lut tawp la, search tawp mai rawh. (Eg: Root without PC Samsung J1)
4. Google search engine hi i hman tam poh leh thil zawn dan hmangchang thar i hriat belh zel dawn avangin Facebook group a zawhna zawha nghah vung vung ai chuan emaw, mi buai loh kar changa zawh tuma nghah ngar ngar emaw ai chuan google rawn zel mai la, a rang zawkin i thiambelh zel dawn zawk a sin.

GMAIL RECOVERY MOBILE NUMBER
"Ka gmail password ka theihnghilh a, ka recover thei lo.." ti hi kan awm leh nawlh nawlh țhin. Chuvangin i buai hmain hei hi lo check ve teh:
1. Chrome ațangin Google Account Management Page ah kalin sign-in rawh.
2. "Personal info & privacy" section ațang khan Personal info kha select la
3. Phone kha i select leh ang
4. Mobile number a lo awm loh chuan Add Recovery Phone kha i thlang ang a, SIM dang i hman tak vanga i number thar i update duh a nih chuan Edit kha i thlang ang.
5. Tichuan instruction kha uluk taka chhiarin i complete mai dawn nia.

Tichuan i gmail buai pawh SMS code hmangin i recover zel thei ang. Chuvangin number i thlak reng rengin i mail ah update nghal zel ang che. Fimkhur hi a inchhirawm loh a nia!

GMAIL PASSWORD RECOVER DAN
A chunga kan sawi tak ang khian i mail ah i number i dah tel a nih tawh chuan password theihnghilh palh pawhin recover a har tawh lo. Hetiangin:
1. Google Password Recovery Page ah kal la
2. “I don’t know my password” tih kha select rawh.
3. I email address enter la
4. I mobile a SMS an lo thawn a code kha a enter na tur laiah enter/type/paste la, instruction ang zel khan password thar i set mai dawn nia.

GMAIL PASSWORD THLAK DAN
Eng emaw thil vangin, a him tawk lo or midangin an lo hre ve a kan rinhlelh vang leh thil dang dang vangin, mail password hi thlak duh chang a awm thei a. Chutiang bikah chuan:
1. Chrome ațangin Google Account Management Page ah kalin sign-in rawh.
2. "Sign-in & security" section ah khan, Signing in to Google kha select rawh.
3. Password select rawh.
4. I password thar tur i select hnuah Change Password kha i select mai dawn nia

GOOGLE PASSWORD HMANGCHANG
1. Password hi character 8 tal a nih a ngai. (Eg: Muankima)
2. Capital leh small letter in lukhawng a nei. (Eg: 'Muankima' tia password i set chuan 'muankima' tiin a login theih loh ang)
3. Alphabet leh number a hman theih a, alphabet hlang emaw number hlang emaw pawh a hman theih.
4. Password bul țanna leh tawpna ah space a hman theih loh a, a laiah erawh a theih. (Eg: Muankima Khawlhring)
5. Android OS 5.1 chinah chuan mobile reset complete turin gmail hmanga unlock a ngai țhin a, chuvangin password reset thar hlim, darkar 24 ral hma chuan i buai palh lohna'n reset loh tur a ni.

Ka hman tawh hrih tlat lo, hun lehah #Hmangchang dang nen kan la inhmu leh dawn nia.. Lo fimkhur ula, lo him ula, lo him ang che u.. 😂💦

In țhian,
- Muankima Khawlhring

4 comments:

  1. Phone a tanga email thawn dan hi le

    ReplyDelete
  2. If your Emails are not syncing then make sure that Auto Sync Data is turned on. For that you can check it from Settings>Data Usage>Menu>Auto Sync Data. If you still face the same issue then it may be problem of the side of email provider or on the app. In that case, delete the cache and data or system cache to start syncing.
    Gmail Support Number UK
    Gmail Login Issues

    ReplyDelete
  3. In order to turn on chat notifications in Gmail open your chat then click on “settings” in the top right corner then under web and desktop select when you want to get notifications on your system then check the box to give a sound as the notification comes in then under mobile select when to receive notifications.
    Gmail Support Number UK
    Gmail Help Number UK
    Gmail Login Issues

    ReplyDelete

Blog Follow hmasa lo chuan Comment hi a dah theih loh ang!!