Wednesday 22 February 2012

PC Suite Hmangchang!

A tam zawk chuan kan hre tawh tho na chungin PC Suite porblem nei kan tam em vangin PC Suite hmangchang hi ziah loh chi pawh niin ka hre lo! PC Suite hmang hian i mobile chu modem a hmangin i PC chu GPRS hmangin net i connect thei a. Mahse PC Suite tam tak hi mak ve deuh mai chu, version thar zawk a lo chhuah hian PC hian mobile driver hi a hmu tha duh lo leh tlat thin a. Chuvang chuan tam tak kan buai fo. Kan PC Suite hmanlaiin kan mobile a hmuh that duh loh tlat emaw, a hmuh dik theih tawh miah loh hi chuan PC Suite version thar zawk a chhuak tawh tih hi ring tawp ila, a thar zawk chu download hmakin install zel mai ila a dik thei deuh vek. Amah erawh chu, virus in kan PC Suite install kha a lo khawih buai ve theih tho avangin kan PC Suite hmanlai version erawh kan chian a pawimawh. Chu ti lo chu tul lovah a version ngai tho kha kan lo download nawn leh palh thei a. Hnu leh tha kan seng thlawn mai mai si a.


Tin, Nokia bikah hian PC Suite, Ovi Suite leh Nokia Suite a awm hran leh nuaih a. Kan hriat awlsam nan PC Suite upgrade lo chhuak kha Ovi Suite an tia, Ovi Suite hi an upgrade leh hnu ah Nokia Suite an ti ta a ni. Latest Suite ah ro ro chuan Nokia Suite hi a advance bera, heng X Series leh C Series leh Series/Brand chhuak thar ah bik phei chuan Nokia Suite latest zel hi hmn tur. Chuti lo chu a hmu dik hlei thei lo fo..

Kan awlsam zawkna a nih ringin PC Suite mamawh te tan a download link hrang hrang ka lo zawng khawm ve a. Mahni Mobile brand zel khu in click chuan in mobile company download center ah in lut deuh zel ang. Heng download center hrang hrang te hi in ang vek lo mahse an kalphung chu a in ang deuh vek a, mahni mobile model select chawp ngai a ni deuh tlangpui. Mahse chutih rual chuan an company chhuak zawng zawngin a man theih tr PC Suite nei ho tan erawh chuan mahni mobile model select chawp kher pawh a ngai lo ve thei bawk. He hmangchang hian i mobile pc suite zawnga i hun tam tak i khawhral tur a chhawk zangkhai ngei che ka beisei..

Ka phur tak thut chuan company dang pawh a download center lo dah belh leh zel ka lo tum ang! Mahse a hnuaia tuna ka dah ho hi tuna kan hriat chhuah theih mai ho chu ni hrih mai teh se.. :)

A hnuaia i phone company hi click la, PC Suite download-na hmunah a hruai ang che:

3 comments:

  1. Ka External Toshiba 500gb chu chhuatah kan thloh palh vang in Format ngaia recovery tool in kan han ti ve chhina a engchhin nan Partition ka siam pakhat chu mahse a va kim thei lo ve a pawimawh ber chu keiai a thiam an tam tih ka hriat vang in an tih theih ka ringa, khawl siam ho hi ka rawna min hlawh chham tir a, helam ah hian minpui thei in awm chuan ka lawm ngawt ang thil pawimawh ka dah teuh sia, lawmman pawh a awm ngei ang

    ReplyDelete
    Replies
    1. http://www.easeus.com/datarecoverywizard/ ah hian lutin download la, he software hmang hian han recover dawn teh

      Delete
    2. Veng chhung chanchinbu ah midang share nan ava tha dawn em....a lawmawm hle mai..!!! He tiang lama tui ve deuhte min va ti phur thin em..

      Delete

Blog Follow hmasa lo chuan Comment hi a dah theih loh ang!!