Tuesday, 28 February 2017

PlayStore app network awm lo anga buai mekte tana hmangchang!

Mi țhenkhat, a bikin root user țhenkhat chu an mobile data on reng chunga PlayStore in network hmu lo anga hmang thei miah lo an awm fo țhin a. A chhan hrang hrang a awm thei ang. Mahse a bul ber chu hosts file engin emaw a lo tihdanglam vang a ni fo..

Mi tam takin an mobile an root chhan chu an game/app full feature hmang thei tura a chhunga lei belh tur lo awm (in app purchase) ho FREEDOM hmanga a thlawna an lei duh vang a ni fo țhin a. Mahse hei hian in app purchase ang chi zawng zawng a lei thei kher lo thung..

Hetianga Freedom hmanna lamah hian mi tam takin an PlayStore an hman theih loh phah țhin a, chung zinga mi țhenkhat, a ngaihna hre lo te tan emaw, PlayStore solution hriat zawng zawng apply chung pawha network awm lo anga PlayStore bik awm zel te tan aw.. Mahse, root loh chuan he step hian awmzia a nei lo. I harsatna chu i chin fel duh chuan:

1. Hosts Editor hi download in install rawh
2. Open in root permission pe rawh.
3. Search button ah khan google search rawh.
4. Result display mawng lama android.clients.google.com leh mtalk.google.com lo awm kha select in delete hmak rawh.
5. Tikhan hosts kha save leh hmak la i zo fel der!

Hosts Editor hmang lo pawh hian ES File Explorer leh Root Explorer hmang te pawhin theih tho mahse host edit hi hosts editor hmang hian a sam ber maia ka hriat vangin method dang ho chu ka ziak tel ta lo mai..

In lo hlawkpui ngei beisei chungin duhtawk leh phawt ang..

In țhian,
- Muankima Khawlhring

Monday, 27 February 2017

LockWatch hmangchang!

SmartPhone khawvelah kan cheng miau mai a, atu mai pawh hian SmartPhone kan hum fir fer a, man to tak tak leh țhenkhat phei chuan kan neih chhun chhuna lei kan nih vang hian fimkhur hi a ngai hle a. A bo palh lahin Police ah han report pawh ni ila kan vannei viau a nih loh chuan chhui zui hi a harsa fo a, chutiang palh thila i tana chhuizui a awlna atan leh Police lam tan pawha bawhzui a nawmna atan he application hi hman tel ngei chi a nih hmel!

An insawi dan chuan!
Lockwatch hian i mobile code dik lova hawn tum a nihin email a rawn thawn ang che a, i phone khawihtu thla a lak ruk leh mobile location map kha a rawn thawn mai dawn a ni!

Misual leh rukru man chhuahna atan mai ni lovin i awm loh hlana i mobile khawih ruk tumtu thlengin i hre zung zung thei dawn ta a nih chu!

He application hi free version leh premium version a awm a. Premium version hmang tur chuan PlayStore ațanga lei emaw, premium patched version zawn mai emaw a ngai tihna a nih chu. Mahse, lungngai lovin chhiar zo phawt mai teh..

Free Version i hman chuan?
Free Version zawk i hmang a, i setup țha thlap a, unlock code dik lova lo hawn tum an awm a nih chuan:

• Front Camera hmangin a thla a lo la ang.
• GPS leh data i on chuan i mobile location a chhutchhuak nghal ang.
• A thla lo lak leh mobile location a trace chhuah chu i mail ah a thawn nghal ang.
• Sound a neih loh bakah a khawih rutu tan hriat ngaihna a awm lo ang.
• Screen locker install chawp kher a ngai lova, i mobile in a ken sa screen lock kha a ring nghal thei.
• Pattern, pin leh password hmanga Screen lock tan a hman theih laiin fngerprint leh face unlock te erawh device țhenkhatah a la support lo.
• Code dik lo barh hunah chauh a in run avangin battery a ei hek lem lo.

4 digits emaw dots emaw tal a ngaih avangin screen lock i set dawnin chu erawh i hriat a ngai ang.

Fore more: Click here

Premium Version i hman chuan?
Free mai duhtawk lova Premium a i upgrade emaw, i hmang a nih chuan:

• I mobile ah SIM thlak a nihin i hre zel thei ang. SIM thar vuah a nih apiangin i mail ah a rawn hrilh zel ang.
• I mobile chu a ru/chhar-tuin a switch on apiangin i mail ah a rawn hriattir zel ang.
• Hawn ruk tumtu thla kha vawi khat mai ni lovin vawi 3 lain mail ah a 3 chuan a lo thawn ang.
• Second 20 chhung sound quality țha takin sound a lo record ang a, chu chuan an țawng a lo record tel hlauh chuan a awlsam lehzual ang
• Android 4.0 chin i hman chuan mobile data i off lai pawh nise a țul dan a zirin amahin a in on in a in off thei ang.
• Mobile data awm lohna hmunah a nih chuan SMS Alert dawng tura i select hnenah i mobile location kha SMS in a hrilh ang.

More about Premium: Click here

For more about app permissions: Click here

I hmang duh a nih chuan:
• Screen lock i siam ngei a ngai a
• I mobile a bo chuan mobile a thlalak i en theih dawn loh avangin i email kha i hawn theih ngei a ngai ang.
• Task Killer leh System Optimizer ang chi tunlai chhuak ho chuan an ken tel zel avangin chutiang ang chi emaw, i install chawp ten an lo kill lohna atan auto start list ah i dah ngei a ngai bawk ang.
• I install zawhah hawng nghalin i duhthalin a application pawh hi setup la, Device Manager ah khan activate ngei ang che.
• Patched version zawk khu i download chuan Premium Version, cracked sa ni mahse zipped a nih avangin ES File Explorer emaw, zip file extract thei application dang hmanga i hawn a ngai ang, i File Explorer hmanlaiin a extract thei te a nih loh chuan..

I hmang ve duh a nih chuan i tan zawn buai ngai lovin a hnuaia hi install or download mai theih turin ka rawn dah sa e..

Install from PlayStore: Click here

Download Patched Version: Click here

Patched Version (Premium Features hman theih tura hacked sa!) hi keima upload a ni lova, chuvangin an report hma a download vat a chi ang! 😂

In thian,
- Muankima Khawlhring

Wednesday, 22 February 2017

Instagram+ hmangchang

Engnge Instagram+ chu engnge!?
Instagram+ chu Instagram pangngaiin a ken tel loh features neih belh tur leh fakna (ads) paih tura Instagram tih danglam kha a ni mai a. Tihdanglam (Modded Version) a nih vang hian a him lohna a awm lo.

Mahse a buaithlakna ber erawh PlayStore ah hmuh tur a awm lova, chuvangin update tur pawhin an mahni Official Site ațang hian installation package (apk) va download zel a ngai thung.. Tin, apk file hi android security țha chuan him lo angin warning mi a pe zel a (For Eg: Chrome hmanga eng apk pawh download dawnin) mahse he Instagram+ hi chu Ghost Push Trojan leh Virus dang pai tel lo a ni. A him e..

Engnge Instagram+ chu a țhat bikna!?
- Instagram pangngai anga fakna (ads) keng tel lo tura tih danglam a nih vangin data a heh lo zawk a, a chak zawk bawk
- Instagram Video/Picture te a download nghal theih. {Post sir chung ding kil a drop down menu - chhunhan 3 inchherchhuan click keuh khan download option a lo pop mai ang}
- Insta Video/Picture download tura application dang hman tel a ngaih ve loh avangin RAM leh Storage a heh lo zawk

A chunga sawi hawnna khi i chhiar vek hnuah Plus i try ve duh a, download i tum a nih chuan buai ve zuai a ngai dawn a. Chuvangin a hnuaia guide hi chhiar hmaih nei suh ang che.

Install dan:
1. Instagram+ Official Download Page ah kal la, page mawng lama OGInsta emaw Instagram+ emaw i hman duh zawk zawk kha click la, Mediafire kha click in a in countdown zawhah download rawh.

2. I download zawh ah i Instagram install lai kha unstall rawh.

3. Tichuan i Instagram+ download kha i install dawn nia.

4. Facebook nen i instagram kha i lo link sa tawh a nih chuan i facebook application hawng la, Menu > Account Settings > Apps > Log-in with Facebook ah lut la, a chunga application search na tur kha click in instagram search la, i hmuh hunah hawngin a mawnga Remove kha click la, page lo inhawng lehah khan remove i click leh dawn nia. Taka, Remove button hnuhnung zawk chungah hian Instagram album & photos delete nghal theihna option a lo awm dawn a, kha option kha tick suh ang che. Chuti lo chu facebook a instagram ațanga i share sa a bo vek a ni mai..

5. Tichuan Instagram+ chu hawngin Log-in with Facbook pawn i hawng leh thei ang a, i link leh thei ang..

Tikhan i set zo a ni mai a.  I luh tirhin Beta Tester option a lo pe ang che a, i duh leh i in volunteer thei a, i duh leh kha option kha chu i close hmak thei. Tin, pic long press a i zoom theih thu hint lo pop kha i duh chuan i close tawp thei a, i duh chuan lo tarlang nawn tawh lo turin i click thei bawk.. Tikhan han belchiang ve mah teh.. Dang i ti ve tho ang.. I setup dik thlap a nih chuan i inchhir ka ring lo..

Chutih rualin tumah install turin ka sawm lem lo che u a, ka duhzawng a nih vangin duh tir ve che u ka tum a ni hek lo.. Mahse instagram pic leh video te a application chhung ațang veka download theih te kha a nuam ve a, lo duh ve in awm tak mialin tiin ka lo share leh hnuhnawh a ni ber e..

Nang malsawmna ni ang che.. 😎

In țhian,
- Muankima Khawlhring

Friday, 20 January 2017

Android user tana Cloud Storage hmangchang!

Tunhma deuh khan ka ziak tawh a, ziah țhat leh a ngai ta niin a lang.. Mizo te hi internet tleipui tak ni mah ila, a țangkai zawnga hmanna kawng dap hi kan tam lo emaw ni chu aw ka ti ta fo mai.. Chuvangin bangbo zawkte tan, an lo țangkaipui takin ziak thar leh law law zawk mai teh ang..

Engnge Cloud Storage chu a awmzia!?
A mawlmang zawnga sawi chuan internet a thil dahțhatna tia sawifiah hian a sam mai awm e. Miin a account ah a thil hlut deuh deuh kha dahțhat turin upload ta se la, a upload hnuah a mobile kha bo daih pawh ni se, a file dahțhat ang kha hmun danga dahțha ve tu ten lo delete vek pawh ni se, mobile thar a neih hunah chu cloud storage service ah chuan ama account ah khan login lehin, a dahțhat ho kha chu a duh duh a delete pep pep thei tawh dawn tihna a ni a. A bo hnua recover tuma buai chung ai chuan a finthlak hle.. A tlangpuiin eng file mai pawh hian recover leh hnuah chuan ngai a awh mawh khawp mai bawk si a..

Tuten nge Cloud Storage chu mamawh!?
Mitin mai hian thil dahțhat duh hi kan nei deuh vek a. Chuvangin, Cloud Storage hi chu mitin mamawh ti pawhin a sawi theih hial awm e.. Entirnan:
1. Țhenkhat chuan an mobile memory a dah reng ai chuan tiin nakina an la duh leh tur, an audio/video record te leh thlalak te an upload a, an upload zawh hnuah mobile ami kha delete in space an heh loh phah thei a.
2. Zaimi lam tan SoundTrack dahțhatna atan a țangkai hle. Computer a dah hi hard disk chhiatpalh awm thei a ni a, mobile a dah lah tih chingpen palh theih a ni si a. Chuvangin soundtrack siam tir hlimah cloud storage lama dahțhat zel mai hi a him.
3. Application/Software vang tak tak, patched/hacked version kan download emaw, a genuine kan lei te ngei ngei pawh tihbuai palh theih vek a nih avangin heng pawh dahțhat zel a finthlak.
4. Kan sawi vek seng lovang, a hma 3 ațang hian a țangkai theihna chu kawng dang dangah pawh kan chhut thiam tawh mai awm e..

Chumi tur chuan eng application nge hman chi ang!?
Engnge țha a țha lo chu application chi hran hran a tam em avangin ka sawi thei bik dawn lo a. Chuvangin ka hriat larsa ho ațangin, dahțhatna tur hmun 10GB chin min pe thei ho zingah, min pek len theih dan indawtin kan sawi diat diat ang e tlem a zawng..

1. Mega: He application hi i install a i in sign-up khan internet a thil dahțhatna tur hmun 50GB i nei nghal ang a, chu chu i duhkhawp loh pawhin i lei belh thei ang..

2. Google Drive: He application hi i install a i in sign-up khan internet a thil dahțhatna tur hmun 15GB i nei nghal ang a, chu chu i duhkhawp loh pawhin i lei belh thei ang..

3. MediaFire: He application hi i install a i in sign-up khan internet a thil dahțhatna tur hmun 12GB i nei nghal ang a, chu chu i duhkhawp loh pawhin i lei belh thei ang..

4. Box: He application hi i install a i in sign-up khan internet a thil dahțhatna tur hmun 10GB i nei nghal ang a, chu chu i duhkhawp loh pawhin i lei belh thei ang..

5. Yandex Disk: He application hi i install a i in sign-up khan internet a thil dahțhatna tur hmun 10GB i nei nghal ang a, chu chu i duhkhawp loh pawhin i lei belh thei ang..

6. BitTorrent Sync: Hei hi cloud storage ni lo mahse kan dah tel ve ang e. Computer leh mobile ah install kawpin internet kaltlangin i sync zung zung thei a. A bikin office lam hna thawk tan zinchhuah huna hman țangkai theih tak tur chi a nih hmel..

Tunah hrih hian space ka ren avangin Box chiah khi ka hman hrih avangin chiang takin ka sawi mai thei hlawm tawh lova, a hming zel khi in click chuan PlayStore ah a luhpui ang che u a, a description ah khan chiang zawkin a chhiar theih vek ang.. Yandex bik khi ka install chhin lai khan 20GB angin description ah chuan ziak mahse 10GB choh pek nghal kan nih vangin 10GB angin ka dah bawk..

A hmanzui dan leh țuldang chu mahni ah innghat mai turah dah ta ila, kan lo hlawkpui a kan sawtpui ngei beiseiin i duhtawk leh phawt mai teh ang..

Wednesday, 30 November 2016

WhatsApp+ hmangchang

Update an release hun laiin ka lo buai lai a ni sia, tlai deuh tawh mahse bangbo zawkte tan a sam zawk beiseiin kan share tho ang e. Tuna ka rawn share tur hi WhatsApp Plus ah pawh Abo2Sadam Mod bik kha a ni a, he page ah hian download a awlsamna atan version thar apiang lo update zel ka lo tum dawn nia..

Engnge WhatsApp+ chu!?
WhatsApp+ kan tih hian a mawlmang zawnga sawi dawn chuan PlayStore ami WhatsApp (Official Version) aia tih theih ngah zawk tura developer ten an siam danglam ti ila a fiah mai awm e. A tidanglamtu leh a version a zirin WhatsApp pangngai a Audio/Video upload size limit let thawk deuh thaw a upload thei hi mi tam zawkin an hlut chhan a nih laiin țhalai lam chuan a theme leh layout duhtawka a khawih danglam theih hi an duh chhan a ni tlangpui. Chutih rualin WhatsApp+ hi a thar ber pawh Official aiin a version a hniam zel tih erawh hre tel ta ila. A awmzia ah chuan PlayStore a version thar awm veleh developer ten lo download in an lo tidanglam kual ta a. An zawh fel a, an tlangzarh meuh chuan Official version thar a lo awm hman leh tawh tlangpui a. A chang phei chuan version 2/3 hial te pawh a lo awm hman țhin. Mahse, sawi leh sawi hnu, a hmang țhang tawh hi chuan an thlah phal meuh lo chu a nih hi..

Tin, WhatsApp+ hi a modder (tidanglamtu - Oggy, GB, Abo2Sadam etc) a zirin a danglam ve thei hle a. Tuna ka rawn share tur hi sawi tawh ang khan Abo2Sadam Mod a ni a, an site pawh Arabic in a inziak dul mai a ni. Mahse, OsmDroid in WhatsApp khawih danglam an bansan hnu khan developer lamin number 1 a an dah tâk fur hlawm si ah chuan hei ngawt hi ka hmang ta a. A hmang ve duh, bangbo zawkte tana a sam zawkna atan hetah hian Update awm apiangin download awlsamnan rawn update ve zel ka lo tum ang..

Engnge Abo2Sadam WhatsApp+ chu!?
WhatsApp+ chi khat, Middle East lam developer te siam danglam WhatsApp a ni a. WhatsApp modder tawh a zawnga taima ber nia mi in an chhal a ni.

Version pakhat an mod hian WhatsApp+, WhatsApp+2, WhatsApp+3 leh WhatsApp+4 te an siam țhin a. Heng category chi 4 te hian emoji hman chi 3 nei lehin WhatsApp+ pawh 3 ngawt a awm a, chutiang zelin a dang ho ah pawh. Chuvangin version 1 an mod hian chi hrang 12 an siam zel tihna a nih ber chu..

WhatsApp+ bik hi chuan WhatsApp Official in a hman țhin folder kha a chhawm nghal thei a, Category dang (WhatsApp+2, WhatsApp+3 leh WhatsApp+4) ho khi chuan data dahțhatnan folder dang an hmang. Chuvangin la hmang ngai lo, hmang thar tur tam chuan WhatsApp+ bik khi hman mai a sam ang..

Chutih rualin Dual SIM WhatsApp hmang duh tan pawh WhatsApp+ leh a khawi emaw ber hi a install kawp mai theih a. Tin, emoji a Oldface an tih hi WhatsApp emoji pangngai kha a ni a.. Hei hi hman mai tur a ni...

Tim, sawi tawh angin Arabic in an site hi an ziah avangin kei chuan PlayStore ami via browser hlir kha ka hmang a. Khami hmanga hawn chuan an țawng kha English in a lehlin tir theih a, a zia khawp mai..

Tin, Android Application reng reng, khawih danglam (Mod) a nihin Antivirus hian Virus angin a hmu fo a, hei hi application dangah pawh a ni zel. Mahse WhatsApp+ ah pawh GB, Oggy leh Abo2Sadam ho mod hi chu a him tih erawh hre tel ta ila.. (modder dang zingah him lo a awm palh takin..)

WhatsApp+ 5.30
He version ah pawh hian video call a la keng tel ta lo a. Mahse a danglam bikna langsar zual a hnuaia hi ka dah tel nghal e
- Base atan WhatsApp Official Version 2.16.310 hman a ni (Update awm leh hunah chuan video call a beisei ngam tawh ang)
- 100mb thleng audio a thawn thei (a pangngaiah chu 16mb chiah)
- 30mb thleng video a thawn thei (a pangngaiah chuan 16mb chiah)
- WhatsApp Camera hmanga thlalak chawp leh lak sa attach in editor a keng tel nghal.

WhatsApp+ 5.40
He version hian Video Call a support ta a, a feature ken tel țhenkhat te chu:
- Connection status a hide theih
- Blue tick a hide theih
- Theme hran hran install tur a awm 
- Images Video pawh a en thei nghal
- Audio clips load lovin a run thei
- Videos size erawh 16 MB ah a tlahniam a, mahse 30mb thleng a thawn thei turin a set theih
- Message 1 ai tam copy dawnin a ni leh hming vel a hide theih 
- A dang chu i hman hunah lo hriatbelh ve tawh mai teh..

WhatsApp+ V5.50
Released date: 12-12-2016
Based version: Version 2.16.352
- Thlalak lan dan tih dik a ni
- Video/Audio call pawh a stable tawh
- Option 6.0 ah icon tgar 13 dah belh a ni
- Option 8.0, a țul lo delete zung zungna tur dah thar a ni.
- Account a him zawkna atan two step verification hman țan a ni.
- Group hming atana character 25 chiah theih kha 35 ah tihsan a ni 
- Device țhenkhata theme download harsatna awm kha siamțhat a ni.
- Sawisen vek a ni lo, lo belchiang ve mai teh

Download:
1. WhatsApp+
2. WhatsApp+2, WhatsApp+3 and WhatsApp+4

1 khi i click chuan WhatsApp+ i download thei ang a. WhatsApp+2 leh a chunglam hmang tan 2 khi click in, mahni duh version hnuaiah, emoji hman duh ber hnuaia download tih kha click mai tur a ni ang.

Tin, download link khian latest version hlir a chhawp zel ang che..

Plus nuam vek u.. 😊

Thursday, 25 August 2016

Android Factory Reset Protection hi!

Smartphone tinte hian an product rukru laka a him dan tur kawng hi an zawng ve reng a. 100% security erawh kan la hlat hle.. Mahse a hma ai chuan security him tawh tak a ni a. Security app rintlak tak tak a awm chho zel ang bawkin SmartPhone inbuilt security pawh a him chho ve zel a, duhthu erawh a la sam lo hlawm hle..

He kan him zawkna tura Android hmangtute tana Google lam security chhawpchhuah thar ber chu Factory Reset Protection (FRP) hi a ni a. Lollipop chin ațangin hei hi a awm țan a. Lollipop OS hi 14 December 2014 a release a nih daih tawh avangin kum 2 liam ta daih kha he security rawn chhuahna chu a ni tihna a nih chu. Mahse inbuilt a 5.0 hmang sa ni lo (Mobile in a ken sa) version hniam ațanga Lollipop a update chawpah hian FRP hi a awm lo emaw ni chu aw.. Ka chiang bik chiah lo hei chu.. Tin, Android 5.0 device țhenkhat pawh hian FRP hi a keng lem lo cheu niin ka hria, an mobile ka khawihsak tawh ho ațanga ka chhut danin..

FRP hi kan him zawkna tura duan a nih laiin buaiphah kan awm ta zeuh zeuh a, FRP supported device hmang chunga FRP Security advantage hmang țangkai lem lo eng emaw zat kan awm nawk bawk, sawizui ngai turah ka lo ruat miah lova, mahse an buai hnua mangang tak tak ka tawn tak nual avangin chiang zawk leh mawlmang zawkin i han sawi dawn chhin teh ang.

FRP I HMAN DUH CHUAN:
1. I mobile i setup tirhin google account kha sign-in ang che. Google account i la neih loh pawn a thar mumal takin setup la, a details kha vawng reng ang che. (Google account him zawka set dan leh enkawl dan i hriat duh chuan Google Hmangchang hi i click mai dawn nia.)
2. Screen Lock kha None emaw Swipe emaw a dah lovin i hriatreng theih tur Pattern/Password Lock in dah ang che. Tin, i mobile screen thim ruala automatic a in lock nghal turin i dah dawn nia. (I theihnghilh palh a, i mobile i reset duh a nih chuan Pattern Lock i tihbuai palhin.. hi i click mai dawn nia. Mahse FRP hmang tan chuan google account log-in detail khi hriat a ngai tho.)

Tikhan i set fel der chu a ni mai. Khitianga i ti a nih chuan i pattern/password hre lo khan lo ru ta se factory reset a ngai ngei dawn a, mahse i gmail leh a password tel lova reset a complete theih dawn loh avangin hmuhlet theihna chance i nei sang sawt ang.. Off in on țha leh pawh nise i gmail leh password tel lo chuan i in boot tlang thei tawh dawn lo..

NB: Hei hi bypass dan la awm cheu mahse misual kan pui mai mai a ni thei sia chulam chu ziak lo mai ang. FRP chungchang hriat loh vanga buai tan chuan mobile siamna dawr pan mai chi.

FRP I SUT LEH DUH CHUAN:
FRP hi i hmang a nih chuan, or google ah i sign-in hrim hrim a nih chuan, reset lem lova i mobile i hralh dawn a nih chuan a leituin nakin lama an rawn tihbuai lohna atan che hei hi i tih ngei ngei a ngai.. (Social app ho zawng zawnga i log-out vek a ngaihzia chu i hre tho turah dah ta ila)
1. Mobile ațangin i Google Account i remove ang.
Or
2. Developer Option enable in Settings a Developer options ah khan lutin OEM Unlocking ațang khan i sut thei bawk.

Chuvangin kan la bangbo hle a nih chuan, hmangchang hria leh mi chimlim deuh kan hriat pana set fel tira log-in detail pawimawh zawng zawng note bu (lehkhapuan) a ziah chhuah a dahțhat mai hi kan him zawkna tur a ni. Gmail duh duhzat a siam theih vanga gmail leh password theihnghilh mai țhinte hi a buai leh țhin an nih vangin nang chu lo fimkhur ang che.. A bikin Android Lollipop 5.0 chinan ngat phei chuan..

Thursday, 30 June 2016

Laisuih™ - Mizo Android Notepad

Laisuih™ chu engnge!?
Nia, zawhna awm tak pawh a ni. Android Modded app a ni a, Mizo mipui a mawlmang leh bangbo ber tan pawha hman theih tura Mizo țawnga dah a ni. He android notepad hi mawlmang hle a, gmail hmanga note a backup thei leh Mizo țawnga duan a ni hian a tizia hle a. Tin, a size te hi storage emaw RAM emaw nei lian lem lo tan chuan hman tinuamtu a ni ngei ang..

A țangkaina tur ber chu, nakin hunah iOS or Mac Device kan hmang a nih pawhin, android kan hman laia kan note ziah, gmail a kan sync luh sa buai miah lova kan sync lut leh pap pap thei tur hi a ni! A him dawn riau..

Version 1.0:
Hei hi iNote base a hman a ni a, a mawlmang lutuk hi tlema vengva deuh chuan an khawpkham lo deuh zel. Folder a siam theih loh a, text note atan a ni deuh tawp.. Mahse chuti chung chuan Version 2.0 aiin a size a lian zawk cheu.. Android 2.3 leh a chunglam tana hman theih tura duan a ni a. Mahse OS hrang hrang leh device hran hranah ka test lem lo. Lollipop leh Marshmallow chu a support lo mai thei bawk..

Application Name: Laisuih™
Version: 1.0
Package Name: muankima.khawlhring.laisuih
File Type: apk
File Size: 1.76mb
Download: Hetah hian click rawh

Version 2.0:
Version 1.0 hmangtute zingah folder siam theih duh an awm vangin hei hi buaipui leh a ni a. Base atan iNotes hmang tawh lovin GNotes hman a ni ta thung. Android OS 2.3 & up hman tura duan ni mahse hei pawh device leh OS hran hranah ka test lem lo. A hmang thei tan chuan Cloud backup support Android Note zinga size lian lo ber pawl zinga mi a nih dawn avangin V2 hi chu a hlu nek mai thei. Hna țul dang ka ngah sia device/OS hran hrana test tir hmasa kher lovin ka upload ta mai.. Tin, Menu hmet lang turin application hawn lai khan mobile screen a System Menu button kha hman a ngai a. Device/OS țhenkhat, Menu aia Recent App awm ho tan chuan a hmeh lan dan tur zawn chawp a ngai mai thei!

What's new?
- Application in Security Lock a ken tel hmangin note mal leh a app ang tawp pawhin lock theih a ni.
- Folder siamin thuziak a rem fel theih.
- Text note mai ni lovin picture, video leh file hmang pawhin note a siam theih.
- Midang hrilhna atan share button a awm nghal a.
- SD Card a backup na a awm tawh (Gnotes folder ah a in backup ang)
- He post link hi a awm nghal a
- Gnote layout a hmang ta thung a
- Mail in feedback a pek theih tawh a.
- A hma aiin a tein a zâng ta zawk a, hmuh a nuam ta zawk bawk.
- Checklist, notification, font leh note display dan te a customize ve theih ta bawk.
- A dang la awm te chu lo belchiangin lo zirchiang tawh mai rawh.

Application Name: Laisuih™
Version: 2.0
Package Name: muankima.khawlhring.laisuih
File Type: apk
File Size: 919.56Kb
Download: Hetah hian click rawh

Tih loh tur!?
Version khawi zawk zawk pawh hi SD Card ah i move a nih chuan feature țhenkhat hman theih loh i nei dawn a. Chuvangin full feature a hmang tur chuan (Widget, Pin etc) a install na hmuna i awm tir tawp a ngai thung..

Lo hlawkpui ngei nang che u.. ✌😇

Tuesday, 28 June 2016

EmKeyboard™ - Mizo, Smiley leh Rupee Keyboard ngai tawh lo tur chu!

Sawihawnna:
Android ka hman hnu hian keyboard hi ka hmang kual nasa ve ta hle mai a. Ka mimal hman bikah chuan Google Keyboard tluka hman nuam tih hi ka nei ngai lo.. Emoji keyboard leh Mizo keyboard install tel lovin a hman theih nghal vek te hian space leh RAM min heh lo tir bawk nen, ka hmang deuh ta char char a. Mahse user neih tam duha google keyboard application an compress nasat tâk ațang hian amaha lo in stop in error notice a lo pop ta zeuh zeuh fo a. Chuvang chuan a thlakna tur ngaihtuahin thla khat dawn mai keyboard hran hran ka chhin kual a. Emoji support, multi-lingual (țawng hran hran support) ah pawh Romanian (Romana) support ngei, installation package (apk) file lian si lo, a layout vela google keyboard ang si ka zawn hmuh tak ngang si lovah chuan ka hman tur bik liau liauin he keyboard hi mi siamsa tidanglamin ka duang ta ngawt mai a. Hmanah tawh Mizo Keyboard Lite siamtu Lalsangpuia Ralte nen kan sawi dun chiam tawh a. Google Keyboard a compress theih thu a sawi vang khan a rawn khawih hun ka lo nghak ve ngar ngar a. Mahse kum 2 lai a vei ta si a, a hnaah a lo buai bawk nen ani angin tite thiam ve lo mah ila thiam ang angin ka sawngbawl ve ta rawih mai a ni. Keyboard dang nena hriathran theihna atan a hmingah EmKeyboard™ hi ka thlang ta a ni. Keima hman dan bikah chuan system a keyboard install zawng zawng peihin hei hi system ah ka install thung a. System a keyboard awm sa ho kha a vaiin 26mb vel a nih laiin 8mb vel chiah system-ah keyboard apk in hmun a luah ta a, 18mb vel ka free belh phah tihna a nih chu..

Google Keyboard vrs EmKeyboard™?
Google Keyboard hi 16 May, 2016 khan Version 5.0.25 release niin hei hi Playstore ah chuan 14.52mb anga tarlan ni mahse install hnua backup hian a installation package file (apk) len zawng hi 21.1mb vel a ni thung. Apk len zawk vang leh crash a awm zeuh zeuh fo tih lohah chuan system storage & RAM nei lian tan chuan a thlanawm zawkin ka hria. Ti ila, data a lo ei hek ve țhin erawh Google Keyboard ka duh lohna ber pakhat..

Android OS dangah EmKeyboard™ hi ka la test lova, mahse keimahah chuan vawi khat mah crush a la awm lo. Data hi ei hek ve lo turah ka ngai a. Google Keyboard aia ka thlan tâkna chhan ber chu a installation package te leh update a ngai ve tawh lo tur hi a ni..

EmKeyboard™ chu?
App Name: EmKeyboard™
Package Name: muankima.khawlhring.keyboard
Version: 1.0
File type: apk
File Size: 7.75mb
Download: Click here

Layout ah chuan Google Keyboard layout leh Icon ka hmang a. A dang pawh a in ang deuh vek.. A in an lohna chu smiley key a lang sa (google keyboard ang tho khan enter key long press in smiley hi a hman theih tho bawk) hi a ni. Tin, data consume ve lo tura ka ngaih (ka test mek) leh update notification awm ve tawh lo tur (a thar ka siam peih tawh kher lovang) hi a danglamna chu a ni deuh mai.. 😆😊

Mizo Keyboard leh Indian Keyboard install ngai lo turin!?
Â/â, Ê/ê, Î/î, Ô/ô, Û/û, Ț/ț leh ₹ te i hmang duh a nih pawn he keyboard ah hian a hman theih vek a, a nihna takah chuan hei hi Google Keyboard ka hman țantirh lama ka zirchhuah a ni. Default keyboard ah English a nih vangin a vai khian a keng lo a. Mahse ka hman duh hunah language hi ka switch zeuh zeuh mai. Hetiangin:
1. Keyboard settings ațangin language kha default hmang lovin English (US), Romanian (Romana) & Hindi ka select a. Spacebar long press a switch theih ni mahse a sirah language switch key a lo awm ang a. Hei hi spacebar sei duh tan chuan duh leh off mai tur a ni.
2. Ka hman dan chuan default ah Romana kha ka hmang a, mahse Romana ah hian Ê/ê, Û/û, Ô/ô a awm ve loh avangin hman dawnah space bar long press in English (US) ka select keuh a, hman zawh veleh Romana ah ka dah leh nghal mai țhin.
3. Chutiang chiahin ₹ hi Romana ah a awm ve loh avangin hman duh hunah spacebar long press in Hindi ka select a, hman zawhah Romana ah ka dah leh mai.
PS: Google Keyboard thar berah erawh English (India) ah Rupees symbol a awm vangin Romana nena select kawpin language 2 switch chiah pawhin a theih thung.

Language key switch dawn khian space bar long press a ni mai a, language switch key i on phei chuan khami hmeh keuh khan a in rotate zel ang..

Min pui thei ang em?
Sawi tawh angin he keyboard hi OS dangah ka la test ve lova, i lo download a i lo test ve a nih chuan a hnuaia mi ang hian i OS sawi telin feedback min rawn hrilh thei la ka lawm hle ang..

Cupcake: 1.5
Donut: 1.6
Eclair: 2.0–2.1
Froyo: 2.2–2.2.3
Gingerbread: 2.3–2.3.7
Honeycomb: 3.0–3.2.6
Ice Cream Sandwich: 4.0–4.0.4
Jelly Bean: 4.1–4.3.1
KitKat: 4.4–4.4.4, 4.4W–4.4W.2
Lollipop: 5.0–5.1.1
Marshmallow: 6.0–6.0.1

In țhian,
- Muankima Khawlhring

Tuesday, 7 June 2016

A thlawnin khawvel pum a inbiakpawh theih ta!

Khawvel hi a va han changkang tawh tak em! SmartPhone era ah chuan internet pack hi mitin mamawh a lo ni chho țan ta a.. Chutih vangin Service Provider lamin SMS leh Call min free phah chuang si lo.. A nihna takah chuan data man pawh hi kar lovah an san chho awk awk a ni zawk mah.. Chutiang a nih takah chuan mamawh kan neih belh hi a ni ta ringawt a, tun hma a țul lo (internet pack) kha kan nitin nunah a țulin a țul ta zek zek si a.. Chuvangin kha i pack hmanga call i hman man tur i lo save theihna kawng hi i la hriat fuh ve loh takin kan share ve hrim hrim ang e... I lo la hre ve lova, android i hmang a nih ngat chuan thu lawmawm tak a ni ngeiin ka ring..

Khawvel pumin Networking lama a mamawh chu hriain Local leh STD mai ni lova, National leh International call thlenga a free a kan hman theih dan tur lo ngaihtuah ru char chartu Chetah Mobiles (Stubborn Trojan Killer - Ghost Push fighter siamchhuaktute tho kha) te chuan hman deuh tawh khan WhatsCall Application an siam chhuak ta a le.. Ni telin hmangtu an pung chho tual tual mai zawng a nih hi.. Khawvel pum ami tu pawh a thlawnin i be thei dawn ta a, main balance a la kal lo zui! Chutiang chu i mamawh thil a nih chuan he application hi lo belchiang ve mah teh..

Install WhatsCall from PlayStore

Features:
WhatsCall i hman chuan?
WhatsCall i hmang a nih chuan phone bill chawi i ngai kher tawh lo ang a. Khawvel khawi hmun pawh nise a thlawnin i be thei tawh ang. Tunah hian mi 200k chuangin he application hi an hmang tawh a. Nitin 2,000+ (i.e, 30+ mins) i hlawhbelh ziah theihna tur plan he application hian a la keng sa zui!

Unlimited FREE Call?
Sawi tawh angin he service hian offer hran hran a keng tel a, heng te hi ads lo click mai emaw, video lo en mai emaw leh țhiante invite hmanga te a ni hlawm a. I taihmak leh free call balance i ngah ang a, WhatsCall hmang ve lo te biak theihna tur i ngah deuh dawn tihna a nih chu!

WhatsCall to WhatsCall?
I țhianin WhatsCall a hmang ve a nih chuan he app kaltlang hian main balance kal miah lovin WhatsApp call ang khan data (internet pack or wifi) hmangin in inbe thei dawn tihna a ni a. A lo hmang ve lem lo a nih pawhin i free call credit ațangin i biak theih mai bakah data hmanga inbe turin i invite thei a. A lo join hunah app kaltlangin a free in in inbe thei ang. I invite vanga a lo join a nih phei chuan rewards (free call minute) i la dawn belh zel dawn zui! He application hi ram 230 chuang zet ațangin an hmang tawh zu nia!

Video Message lam te?
He app vang hian mi tam takin voice mail an lo mangțha phah tawh niin an sawi a. Video messaging a ken tel hmang hian, i call pickup thei lo tute pawh i thil hrilh duh pawimawhzia kha video message in ila thawn thei zui..

Voice Call quality lam ve thung?
Inbiakpawhna lama khawvela company țha ber berte nen an inthlunzawm bakah advanced voice coding leh decoding technology an hman avang hian WhatsCall lam pawh hi he IP-PSTN innovation leh optimization ah kher kher hi chuan an inti thei ve khawp mai a. A quality a chhe hran lovang tih a hriat theih.. Mahse internet connection ring a nih vang erawh hi chuan net connection chuan kori a tu viau ang tih a hriat sa a, tin, call pangngai aia țawng speed muan chang a tam ang tih pawh a hriat..

Free Call Credit hlawhbelh dan tur hi?
WhatsCall i install zawhah in sign-up in hawng la credits ah khan lutin a hnuai ami ang hian free call credit i tuak dan tur an lo chhawp sa ang che..
1. Daily Check in: +100
2. Just tap it: +100
3. Invite friends: +1000 x 1
4. Complete task: +500-50,000

#1 leh #2 hi a harsa lova mahse points a ken a tlem thung a. #3 hi țhiante invite hian points chu a keng zia viau a, mahse an lo install a, an lo in sign-up nghal a nih lem loh chuan credit kan dawngkher lo. #4 hi a harsa ber a nih angin point hlawh theih zat erawh a sang ber thung.. Lo bih chiang ve ngei ang che..

Foreign leh national call hman ngaihna a chhungte emaw țhian nei tan emaw phei chuan application țangkai tak tur a ni. Chuvangin chiang zawka i belchiang duh a nih chuan a hnuaia link hi click in PlayStore ah lo belchiang la, i duh ve a nih chuan i lo install mai dawn nia..

Click > HERE TO VISIT PLAYSTORE

Tin, free sms lam duhzawk tan pawh a hnuaia post hi click a zirchian mai theih a ni bawk..

Click > Free SMS for Android < here